Hebrews 11
Upna Hangin
1Tu-in upna pen, i lamette tel cianna le i muh lohte theihtelna ahi hi. 2Tanglai mite a kiphatna hihte hang ahi hi. a 3 A kimu theite a kimu thei pana kibawl hi loin, khuavannuai, Pasian thupiaka piang ahi hi, cih upna-in i theitel hi. 4Abel in upna hangin Cain sangin biakpiakna hoihzaw Pasian tungah a pia hi. Pasian in ama biaknate a phatgen lai-in upna hangin mi thumaan a hina a phat hi. Amah a sih khit hangin upna hangin thu gen lailai hi. b 5 Enok in upna hangin sihna a thuak khak loh nadingin hih nuntakna pan a kilakhia hi; Pasian in amah lakhiamang zo ahi manin a kimu zo nawn kei hi. Ahang in, amah a kilak ma in, Pasian a lungkimsak pa khat hi, ci-a kiphatsa khat ahi hi. 6Tua hi-a upna loin Pasian a kilungkimsak thei kei hi. Bang hang hiam cih leh ama kianga hong pai peuhmah in amah a om takpi mah hi, amah citaka a zongte pahtakman a pia hi, ci-a up ding a kul hi. c 7 Noah in upna hangin a kimu nai lo nate ah a kivauhilh ciangin kihtakna siangtho tawh, a innkuanpihte hotkhiat nading gunkuangpi a lem hi. Ama upna hangin leitung mawhpaih a, upna hanga thumaanna a luahpa a suak hi. d 8 Abraham in upna hangin a nung cianga, a luah dinga a ngahna muna pai dingin a kisap lai-in koi lamah pai ding cih nangawn a theih loh hangin mangin a pai hi. 9Amah in a upna hangin gamdang a kiciamna gamah mikhual bangin inn a lam hi. Amah tawh a kibanga ciamna a luahpih Isaac le Jacob mah bangin tuipuan bukte ah a teng hi. 10Ahang in, bulpite a nei khuapi lian khat a lamen hi. Tua khuapi a geelpa le a lampa Pasian ahi hi. 11 Abraham in upna hangin, amah tek lua ta-in Sara mahmah lah tasel hi napi ama tunga thu a ciampa muanhuai a sak manin amah pa khat a suah theihna ▼▼11.11 Ahikeh Sarah nangawn in upna tawh ta a nei thei ding hi
kipia hi. 12Tua hi-a hih a si tawh a kibang mi khat panin vantunga om aksite zaha tam le tuipi sehtak-a sehnel kisim zo lote zah, suan le khakte zong a piang hi. f 13 Hih mite khempeuh upna tawh a nuntak lai mah un a si uh hi. Amaute in a kiciamsa nate ngah lo uh a, tuate gamlapi panin galmuh in a galmuak bek uh hi. Tua hi-a amaute leitungah gamdang mi le mikhual ahilam uh a kiphawk uh hi. 14Tua bang a ci mite in amau ading gam khat a zong uh hi, cih a kilangsak hi. 15Amaute in a nusiatsa uh gam na lunggulh den uh hileh ciah kik nading hun hoih nei khin tham ding uh hi, 16Tua sangsikin, amaute in gam hoihzaw khat vantung gam a lunggulh uh hi. Pasian in amaute ading khuapi lian khat bawlkhol zo ahi manin, amau Pasian a kicih ding a maizum kei hi. g 17 Pasian in a zia-et ciangin Abraham in upna hangin biakpiak nadingin Isaac a pia hi. Tua kam ciamna a ngahpa in a tapa khat neihsun biakpiakna-a pia dingin a kithawi hi. 18Tua mah lah Pasian in, “Isaac tungtawnin na suan na khak ▼▼11.18 Greek ah ci
a kiminlawh ding hi,” ▼▼11.18 Pc. 21:12
a cihna pa hi lai hi. 19Abraham in, Pasian in misisate thosak thei, ci-in ngaihsun a tehpih in gen leng, amah in Isaac misi pan a ngah kik ahi hi. j 20 Isaac in upna hangin Jacob le Esau mailam ding ngaihsunin thupha na pia hi. k 21 Jacob in a sih kuanin upna hangin Joseph tapate thupha pia ciat-a a ciangkhut tungah kingamin na bia hi. 22 Joseph a sih kuanin upna hangin Israel mite Egypt pan a paikhiat nading le ama guhte tawh kisai lamlahna na pia hi. l 23 Moses nu le pa-te in upna hangin, amah a suah khit kha thum sung sel uh hi. Bang hang hiam cih leh amaute in amah naupang mawkmawk hi lo cih mu uh ahi manin kumpipa thupiak a kihta kei uh hi. m 24 Moses in a khan khit ciangin upna hangin Pharaoh tanu’ tapa a kicih ding a nial hi. 25Mawhna nopsakna-a tomvei sung gualnop sangin Pasian mite tawh bawlsiatna a thuak khawm ding teelzaw hi. 26Mailam ah pahtakman a san ding a etkholh manin Christ hanga maimawkna pen Egypt gam goute sangin manphazaw a sa hi. 27Amah in upna hangin kumpipa hehna kihta loin Egypt nusia hi; amah in muh theih loh mipa a muh manin a thuak keeikai hi. 28Amah in, upna hangin ta masa a thatpa in Israel ta masa a sukkhak loh nadingin Paisan-pawi le sisan thehna a na bawl hi. n 29 Tua mite in upna hangin leihul a pai bangin San Tuipi ▼▼11.29 Tua pen, Pumpeng Tuipi
a kantan uh hi; ahi hangin Egypt mite in tua bangin hih a sawm uh leh amaute tui ah kialum uh hi. p 30 Mite in upna hangin, Jericho ni sagih sung a kimkot khit uh ciangin khulhte a cim hi. q 31 Numei kizuak Rahab in, upna hangin thukansimte a tunsak manin thumang lote ▼▼11.31 Ahikeh thu um lote
tawh a kithat khawm kei hi. 32 Bang genbeh lai ding ka hi hiam? Gideon Barak, Samson, Jephtha, David, Samuel le kamsangte thu gen nading ka hun a kicing kei hi. 33Amaute in upna tungtawnin kumpi gamte zo uh a, thutang tawh ukin, a kiciamsate a ngah uh hi; amaute in humpinelkai kamte khak uh a 34meikuangpi phelhmitin namsau ma pan suakta uh hi. Amaute thanemna thakhauhna suakin galdona ah vanglian uh a, gamdang galte zo mang uh hi. 35Numeite in amau misite, a nungtasa-in ngah kik uh hi. Adangte kigawt-a, thawhkikna hoihzaw ngah dingin a kikhah khiat ding a nial uh hi. 36Adangte sikkhainiang tawh kikhihin thong sungah a kikhum laitakin pawlkhatte in ciamnuih bawlna le sat gawpna a thuak uh hi. 37Amaute suang ▼▼11.37 Khutgelh pawlkhatah suang in kideng; amaute kizia-et
in kideng, amaute singat tawh tumnih kisuah; amaute namsau tawh kithat hi. Amaute in tuu vun, keel vunte silhin vakvai uh a, gentheih bawlna, bawlsiatna le khel bawlna kithuaksak hi. 38Amaute adingin leitung tenna taak hi lo hi. Amaute gamlak mualsang, suanghawm le kaw hawm sungah a tai kawikawi uh hi. t 39 Amaute in a upna uh hangin phatna a ngah uh hi. Tua hi napi amaute kuamah in tua ciamsa pen a ngah kei uh hi. 40Pasian in eite ading a hoihzaw khat geel khin zo ahi manin eite tawh i kimkhawm ciang bekin amaute kihoihkimsak ding hi. u
Copyright information for
ZomZIV